„ცხოვრება მართლაც მარტივია, მაგრამ ჩვენ მუდამ ვცდილობთ მის გართულებას.“ – კონფუცი
ბევრ ჩვენგანს დაავიწყდა ის, თუ რა არის ცხოვრების აზრი და ამის მთავარი მიზეზი ჩვენს გარშემო არსებული პრობლემები, ვალდებულებები და სხვა ხელისშემშლელი ფაქტორებია, რომელიც ცხოვრების სხვადასხვა ეტაპებზე გვხვდება. თუმცა, ამ ყველაფრის გამოსწორება შეიძლება და ამისთვის საჭიროა იმაზე ფიქრი, თუ რისი შეცვლაა საჭირო და რამდენად შეგვიძლია ცვლილების განხორციელება.
თქვენ, თუ ირთულებთ ცხოვრებას იმაზე მეტად, ვიდრე არის ?
ქვემოთ მოყვანილია 10 გზა ამის გასარკვევად:
როდესაც საკუთარ თავს ვადარებთ სხვა ადამიანებს.
„ ერთადერთი ადამიანი, რომელზეც უკეთესი უნდა გახდეთ, ეს არის ის პიროვნება, რომელიც თქვენ იყავით გუშინ.“ ნუ განსჯით საკუთარ ცხოვრებას სხვისი ცხოვრების ფონზე. ეს არამარტო ხელს შეგიშლით ცხოვრების დონის გაუმჯობესებაში, არამედ აგავსებთ შურით და ბოღმით. ადამიანები მრავალ გზას ირჩევენ თავიანთი ცხოვრების მანძილზე, მაგრამ არცერთი მათგანი არ იქნება თქვენი ცხოვრების მსგავსი. თქვენ მხოლოდ და მხოლოდ საკუთარი თავის მიმდინარე ვერსიას უნდა უწევდეთ კონკურენციას და უნდა იყენებდეთ ამას, როგორც სტიმულს იმისა, რომ გახდეთ უკეთესი, ვიდრე იყავით გუშინ.
ნუ მისცემთ შიშს იმის საშუალებას, რომ თქვენ მაგივრად მიიღოს გადაწყვეტილებები.
ბავშვობაში, შესაძლოა ჩვენში შიშს იწვევდა „კუდიანი დედაბრები“, რომლებიც ჩვენ წასაყვანად მოდიოდნენ, ან სახეზე მოხატული ჯამბაზები, რომლებსაც ჩვენი გართობა უნდოდათ. თანდათანობით კი ასაკთან ერთად გვემატებოდა სხვადასხვა შიში: შიში იმისა, რომ არასაკმარის თანხას გამოვიმუშავებთ, სხვებისგან უარყოფის შიში, სხვების აზრის, დიდი ცვლილების შიში და ეს სია კიდევ გრძელდება.
მიუხედავად ამისა, უნდა გვახსოვდეს, რომ შიში „კუდიანივით“ არის. ის მხოლოდ ჩვენს გონებაში არსებობს. რეალურად გვეშინია იმის, რაც ჯერ არ მომხდარა და გონება წინ უსწრებს რეალობას, რის შედეგადაც ვფიქრობთ მოვლენების განვითარების ათას ვარიანტზე.
ჩვენ ვყიდულობთ ნივთებს, რომლებიც აშკარად არ გვჭირდება.
ამერიკელი ფსიქოლოგების ასოციაციის ექსპერტების მიერ გამოქვეყნებულ მოხსენებაში ეწერა, რომ ფული კვლავ ლიდერობს სტრესის გამომწვევ მიზეზებს შორის ამერიკაში. სანამ ფული განსაზღვრავს ჩვენი ცხოვრების დონეს, ჩვენ უნდა გამოვიყენოთ ის ეფექტურად. ჩვენ უნდა შევიძინოთ ნივთები, რომლებიც გვჭირდება რომლებიც ძალიან გვინდა.
„ხვალიდან ვიწყებ!“ ფრაზა რომელსაც, ვამბობთ, მაგრამ იშვიათად ვასრულებთ.
აპირებთ დაიცვათ დიეტა, მაგრამ გადადებთ ხვალისთვის.
გინდათ წამოხვიდეთ სამსახურიდან, მაგრამ ელეოდებით მომენტს, როდესაც მზად იქნებით იმისთვის, რომ უთხრათ უფროსს.
გსურთ წახვიდეთ დასასვენებლად, მაგრამ დაიცდით სანამ უფრო მეტ ფულს არ შეაგროვებთ.
რომელი მათგანი გეცნობათ ?
როდესაც რაღაცას გადადებთ, ის უკვე თქვენთვის მიუწვდომელი ხდება, რადგან დრო გადის. თქვენი თავის მართლების მიზეზები კიდევ მოგროვდება. დღევანდელი დღე მშვენიერი მომენტია, რომელიც უნდა გამოიყენო, სხვაგვარად უბრალოდ გექნებათ გრძელი სია იმისა, თუ რისი გაკეთება გინდოდათ, მაგრამ არ გააკეთეთ.
ნუ იცხოვრებთ ხვალინდელი დღით, გამოიყენეთ მიმდინარე შესაძლებლობა.
ეს მომენტი არის ერთადერთი, რომელიც ჩვენ გვაქვს და გვექნება. მთელი ძალების მობილიზება მომავალზე გამოიწვეს მხოლოდ მღელვარებას აწმყოში. ყველაფერი გვერდით ჩაგივლით, თუ თქვენ იცხოვრებთ რეალობაში, რომელიც ჯერ არ არსებობს. ყოველდღე შეგნებულად უნდა ვქმნიდეთ მომავალს და უმადური დამოკიდებულებით არ უნდა ვიყოთ აწმყოსთან. ამის შემდეგ, ჩვენ შეგვეძლება დავტკბეთ, როგორც მომავლით, ასევე აწმყოთი და არ ავაგებთ იმედებს მომავალზე.
ყოველდღე ვაკრიტიკებთ ჩვენს თავს
როდესაც თქვენ ძალიან დაბალი თვითშეფასება გაქვთ და მუდამ უკმაყოფილოები ხართ საკუთარი თავით, ეს უარყოფითად მოქმედებს თქვენს ყოველდღიურობაზე. არადა, შემდეგ გიკვირთ, თუ რატომაა თქვენი ცხოვრება ქაოსში გახვეული. გახსოვდეთ, რომ თქვენც ადამიანი ხართ და ყველას თქვენსავით აქვს შიშის გრძნობა და სიბრაზე. უნდა აცდეთ საკუთარ ლიმიტებს, ნეგატიურ შეხედულებებს და გამოიყენოთ იგი თქვენდა საკეთილდღეოდ.
ძალიან დიდი ყურადღებას აქცევთ იმას, თუ რას ფიქრობენ სხვები.
ზოგ ადამიანს ეყვარებით სიცოცხლის ბოლომდე, ზოგს კიდევ საერთოდ არც მოეწონებით. ასეა მოწყობილი ცხოვრება. იმის მცდელობა, რომ სხვებს მოაწონოთ თავი, ან ეცადოთ მათ შეხედულებეში ჩაჯდეთ, ყოველთვის გულდაწყვეტილს დაგტოვებთ. ამიტომ, იყავით მტკიცე და არ დაგჭირდებათ სხვები თქვენი ცხოვრების შესაფასებლად.
ყოველდღე გადარბენაზე ყოფნისას, ძალიან ცოტა დრო გრჩებათ განტვირთვისთვის.
კიდევ ერთი სტრესის გამომწვევი ფატქორია, დღის უწესრიგო გრაფიკი. გახსოვდეთ, რომ თქვენ შეიქმენით ის ცხოვრება, რა ცხოვრებითაც ცხოვრობთ დღეს. ამიტომ, თქვენ შეძლებთ გააკონტროლოთ და გაანაწილოთ დრო თქვენს სასარგებლოდ. არაფერია მუდმივი ბუნებაში, ასე რომ არ ვართ ვალდებულები მუდმივად გადარბენაზე ვიყოთ. აიღეთ პაუზა, ღრმად ჩაისუნთქეთ, დამშვიდდით, აქ თქვენ სამუშაოდ არ მოსულხართ. ისიამოვნეთ ცხოვრებით, მიიღეთ გამოცდილება, ისწავლეთ და გაიზარდეთ.
თქვენ ცხოვრობთ ნეგატიურ გამოცდილებებზე.
არაფერი არ გვაბრკოლებს ცხოვრებაში ისე, როგორც წარსულში ცხოვრება. იმაზე ფოკუსირება, თუ რამხელა ტანჯვა გამოიარეთ ცხოვრებაში, მხოლოდ უარყოფით შედეგებს მოგიტანთ და დაგიმატებთ მღელვარებას. დაივიწყეთ ის ადამიანები, რომლებაც გული გატკინეს, ყველა ცუდი მოგონება წარსულში დატოვეთ და მთელი თქვენი ენერგია იმას მოახმარეთ, რომ უკეთესი მომავალი შეიქმნათ. თქვენ ვერ შეცვლით წარსულს, მაგრამ შეგიძლიათ გააკონტროლოთ თქვენი ქმედებები აწმყოში.
არ ხართ გულახდილი საკუთარ თავთან.
სანამ თავს აარიდებთ პრობლემებს, ისინი უფრო ბევრი იქნება დროთა განმავლობაში. იმისათვის, რომ იცხოვროთ ბედნიერად, თქვენ უნდა დაიჭიროთ სადავეები, დაივიწყოთ წარსულის ჭრილობები და იფიქროთ პრობლემების გადაჭრის გზებზე. პრობლემა მუდამ იარსებებს, მთავარია იმის ძალა იპოვნოთ, რომ თქვენს გულახდილ გრძნობებს გაყვეთ, არ დამარხოთ ისინი თქვენში.
წყარო: kaizenist.com
