როგორ გვიყვარდება? – გონება თუ გული

სიყვარული ტვინის ინტელექტუალურ სფეროებში აღწევს და ზუსტად ისეთ ეიფორიულ შეგრძნებას იწვევს, რასაც კოკაინის მოხმარების დროს განიცდიან. ეს ეიფორია გამოწვეულია ისეთი ქიმიკატების მეშვეობით, როგორებიცაა: ვასოპრესია, ადრენალინი, ოქსიტოცინი და დოპამინი. ეს ჰორმონები ტვინის 12 ნაწილში ერთდროულად გამოიყოფა.

კვლევის ავტორები ირწმუნებიან, რომ შეყვარება წამის მეხუთედშიც შეიძლება. საბოლოოდ, რას უკავშირდება სიყვარული? გულს თუ ტვინს?

ეს არც ისე მარტივი შეკითხვაა. უფრო სწორი იქნება თუ ვიტყვით, რომ სიყვარული ტვინთანაა დაკავშირებული, მაგრამ გული  კომპლექსურ პროცესებში მონაწილეობს ტვინთან ერთად. მაგალითად, ტვინის ზოგიერთი ნაწილის გააქტიურებამ შეიძლება გული სტიმულაცია გამოიწვიოს, მუცელში კი - პეპლები. ეს სიმპტომები ზოგჯერ თითქოს გულიდან მოდის, თუმცა, რეალურად, ტვინის იმპულსების შედეგია.

აგრეთვე, მეცნიერებმა დაადგინეს, რომ შეყვარებული წყვილების სისხლში იმატებს ნერვული ზრდის ფაქტორი. ის მოლეკულაა, რომელიც მნიშვნელოვან როლს თამაშობს ადამიანურ ურთიერთობებში და მათ შორის ,,ერთი ნახვით შეყვარების’’ დროსაც. მკვლევარები ამბობენ, რომ სიყვარულს სამეცნიერო საფუძველი აქვს.

როდესაც სიყვარულში პრობლემებია, ან მთავრდება, ეს დიდი ემოციური სტრესის და დეპრესიის წყაროა. განსაკუთრებით, ერთ-ერთი პარტნიორისთვის. მეცნიერებმა დაადგინეს ფაქტები, რომლებსაც შეიძლება გავლენა ჰქონდეს ადამიანის ფსიქიკურ ჯანმრთელობაზე.

ვიცით, რომ არსებობს სხვადასხვა სახის სიყვარული. როგორც ჩანს, ტვინის სხვადასხვა ნაწილები სხვადასხვა სახის გრძნობებს იწვევენ, მაგალითად: დედის და შვილის სიყვარული. უპირობო სიყვარულის დროს ტვინის შუა უბანი აქტიურდება. 

წყარო: http://oxford-med.ge/