სასიყვარულო ურთიერთობაში ყველაფერი კარგად მიდის და ქალი ელოდება, რომ პარტნიორი მას დაქორწინებას შესთავაზებს, თუმცა გადის დრო და ასე არ ხდება. ამ დროს ქალი თავად აქტიურდება და… ხშირად ყველაფერი იმის საპირისპიროდ ხდება, როგორც მას წარმოუდგენია.
რატომ ხდება ასე?
საქმე ის გახლავთ, რომ მამაკაცებისთვის სერიოზული ნაბიჯის გადადგმა, ოჯახის შექმნა გაცილებით უფრო რთული გადაწყვეტილებაა, ვიდრე ქალბატონებისთვის, გამომდინარე იქიდან, რომ მათთვის ეს დამოუკიდებლობის დაკარგვასთან ასოცირდება.
მამაკაცი ურთიერთობაში დინებას მიჰყვება და უცებ ჩერდება, შესაძლოა სრულიად მოულოდნელად ისიც კი გითხრათ, რომ არ უყვარხართ. ეს ყველაფერი ნიშნავს იმას, რომ დაბნეულია და ეს ქალის „დამსახურებაა“. მამაკაცს სინამდვილეში თავადაც სურს საყვარელ ქალთან ურთიერთობა დააგვირგვინოს, თუმცა იბნევა, როდესაც ხვდება, რომ ქალის ტემპს მიჰყვება.
ამიტომ, იყავით მომთმენი, მიეცით საშუალება მამაკაცს თავად გადადგას ნაბიჯი და ყველაფერი გაცილებით უკეთ იქნება.
