„როგორც ფიზიკური სხეული საჭიროებს საკვებს სასიცოცხლო ძალების შესანარჩუნებლად, ასევე, გონება საჭიროებს ჩვენი რეალობის შესაქმნელად, საშენ მასალად – აზრებს“ – წერს ქოუჩი და წარმატების ექსპერტი თამარ კვარაცხელია.
თამარ კვარაცხელია: ყველაფერი რაც შედის გონებაში, გადამუშავდება და გარკვეული დროის შემდგომ განხორციელებას ჰპოვებს ცხოვრებაში.
რაც მეტ ყურადღებას აქცევთ ცხოვრების რომელიმე სფეროს ან რამე საგანს ან მოვლენას, მით მეტად იწყებს ტვინი მასზე ფიქრს (ასე ვთქვათ ავარჯიშებთ) და იმ აზრებით რაც ამ დროს თავში ტრიალებს, ქმნის რეალობას.
ჩვენ ვიზიდავთ იმას რაზეც ხშირად ვფიქრობთ!
ფილმი „საიდუმლო“ ალბათ ყველას ნანახი გაქვთ, თუ არ გინახავთ აუცილებლად ნახეთ, რადგან იქ გაეცნობით, გონების საშუალებით თქვენი რეალობის შექმნის საიდუმლოს.
დავუბრუნდეთ თემას და ავიღოთ თვალსაჩინოებისთვის მაგალითი:
გინდათ გახდეთ მხატვარი. დადიხართ გამოფენებზე, ათვალიერებთ სურათებს და სწავლობთ მუშაობის ტექნიკებს ინტერნეტიდან ან დადიხართ ხატვის მასწავლებელთან, გაქვთ ურთიერთობები თქვენთვის მოსაწონ მხატვრებთან… ერთი სიტყვით, იწყებთ სწავლას… აზრებმა დაიწყეს შენების პროცესი… თქვენი გონება ღრუბელივით ისრუტავს ყველა ინფორმაციას, „გადახარშავს“ მას, გამოიტანს დასკვნებს, მოახდენს სურვილების გენერირებას, მოგაფიქრებთ სამოქმედო გეგმას და დაიწყებს სურვილის რეალიზებას. რაც მეტდ იქნებით პროცესში, მით მეტად ჩაიძირება ტვინი სრულყოფილებაში და მით მეტად მიგაახლოებთ სასურველს.
გაგიგიათ ქართული ანდაზა:
„ხარი ხართან რომ დააბა ან ზნეს იცვლის ან ფერსაო“.
ამიტომ ბრძენი ადამიანი აკონტროლებს თავის ურთიერთობებს. ის გაურბის არასასიამოვნო ხალხთან კონტაქტს. ცდილობს შეამციროს „ტოქსიკური“ გარემოს ზემოქმედება. მან ზუსტად იცის რა თემა აინტერესებს და რაზე უნდა საუბარი. ასევე კარგად იცის თუ “თავში შეუშვებს” (ნებსით თუ უნებლიედ) ნეგატიურ ემოციებს, ეს შეაფერხებს და უკან დასწევს…
ახლა მიპასუხეთ, რაში სჭირდება ჭკვიან ადამიანს ნეგატივი თუ ის პირადად მას არ ეხება?
კიდევ ერთხელ განვმეორდები:
გონება ქმნის რეალობას იმ მასალისგან, რომელიც მიეწოდება გარედან!
ეს მასალა მიეწოდება გრძნობის ორგანოებით. განსაკუთრებით დიდი როლი ეთმობა – მხედველობას და სმენას. სხვა გრძნობითი აღქმები – ყნოსვა, გემო, შეხება – ასევე მოქმედებს, მაგრამ გაცილებით ნაკლებად.
ახლა გაგიმხელთ საიდუმლოს:
როდესაც აკონტროლებთ გონებაში „შემავალს“, თქვენ აკონტროლებთ „გამავალსაც“ ე.ი შედეგს, ჯამში კი თქვენ ცხოვრებას.
ხედავთ რა მარტივია მომავლის შექმნის საიდუმლო? ძალიან გთხოვთ, არ გაართულოთ თქვენი შეხედულებებით
მაშ, რა უნდა გააკეთოთ იმისათვის, რომ შექმნათ პოზიტიური და სასურველი მომავალი?
– დაიცვათ ტვინი ნეგატიური ინფორმაციებისგან (რომელიც არ არის პირდაპირ კავშირში) – ჭორები, ბოროტი სიტყვები, უაზრო საუბრები, პოლიტიკა, მიზანთან შორს მდგარი გადაცემები (შოუები, საპნის ოპერები), გინება და მსგავსი უმსგავსობები, ნაგავიიიი…..
+ მიეცით გონებას პოზიტიური საშენი მასალა (ინტერესის სფეროდან) და ცოტა ხანში შეამჩნევთ, როგორ შეიცვლება თქვენი ცხოვრება უკეთესობისკენ. დაინახავთ, ბუნებრივად და უმტკივნეულოდ როგორ გაქრება თქვენი ყოველდღიურობიდან არასაჭირო, ნეგატიური ურთიერთობები, უაზრო მოქმედებები და მავნე ჩვევები. ამ დროს გონებაში ისადგურებს სიმშვიდე. ცხოვრებაც ხდება მარტივი და ხალისიანი.
კარგია თუ პასიურად დააკვირდებით სხვა ადამიანების (ნაცნობების, უცნობების) ცხოვრების ხარისხსს და გაანალიზებთ, თუ მათი გონება როგორ ქმნის იმ რეალობას რომელშიც იმყოფებიან. ეს დაკვირვება მოგცემთ ძლიერ თერაპიულ ეფექტს და გაგიმარტივებთ, პირად ცხოვრებაში ცვლილებების შეტანას.
ერთი სიტყვით, ძალიან სასარგებლოა საკუთარ თავზე და სკუთრ გონებაზე დაკვირვება.
პირადად უკვე 2 წელია ვხელმძღვანელობ ამ მეთოდით. უბრალოდ, თუ ის ადამიანები კითხულობენ ამ თემას ვინც ამოვშალე პირადი მეგობრებიდან, მინდა იცოდეთ, ეს გავაკეთე მხოლოდ იმიტომ, რომ მოდიოდა მუდმივი ნეგატიური ინფორმაცია, რომელიც არანაირად არ მეხებოდა და არნაირად არ შემეძლო მათზე ზემოქმედება. ასვე მინიმუმზეა (თითქმია ნულამდე) დაყვანილი ტელევიზორის, ჩემთვის უინტერესო ლიტრატურის, საპნის ოპერები, ინფორმაციები და ზოგიერთი ცოცხალი კონტაქტებიც…
თუ კი შეიმეცნებთ გონების აღმშენებლური ეფქტის პროცესს, თქვენ შეიძლება „იწინასწარმეტყველოთ“ კიდეც ადამიანის მომავალი, იმაზე დაკვირვებით თუ რა აინტერესებს ახლა, რაზე საუბრობს, ძალიან ხშირად რას უსმენს, რას კითხულობს, რას უყურებს, სად და რითი იკვებება, ვის წრეში ტრიალებს, ვინ არის მისთვის ავტორიტეტი და ა. შ.
მადლიერებით
ქოუჩი თამარ კვარაცხელია
წყარო: https://zrda.wordpress.com/
