ტურისტებისთვის საქართველო თანდათან უფრო მიმზიდველი ხდება, ამას არა მხოლოდ მათი რაოდენობა ადასტურებს, არამედ საქართველოს ან ქართული კურორტების მოხვედრა მსოფლიოს ყველაზე ლამაზ ადგილებს შორის. ცოტა ხნის წინ The New York Times-ის მიერ გამოქვეყნებულ სტატიაში „რომელ ქვეყნებს ვეწვიოთ 2015 წელს“ საქართველო 25-ე ადგილს იკავებდა. მსგავსი სია გამოაქვეყნა გამოცემამ Elite Daily, რომელშიც 2000-იანი წლების ყველაზე ეგზოტიკურ 50 ადგილს ასახელებს, რომლებიც ტურისტებმა უნდა მოინახულონ. მათ შორის მესტია მე-9 ადგილს იკავებს.
„მესტია პატარა ქალაქია ჩრდილოეთ საქართველოში, თუმცა მისი ნახვა ნამდვილად ღირს. დალიეთ ქართული ღვინო, დალაშქრეთ იქაური ადგილები, გაესაუბრეთ ადგილობრივებს და მიიღეთ უდიდესი სიამოვნება კავკასიის მთების ხილვით“, – წერს გამოცემა.
საქართველო სიაში იტალიის, საფრანგეთის, ბელგიის, მექსიკისა და სხვა წამყვანი ქვეყნების გვერდით მოხვდა.
