გრძნობდე თავს შემდგარ ადამიანად და იყო კმაყოფილი სწორედ ისაა, რისკენაც ადამიანები მივისწრაფით. ჰკითხეთ თქვენს თავს ხართ თუ არა კმაყოფილი საკუთარი ცხოვრებით. თუ არ ხართ, მაშინ მიჰყევით ამ რჩევებს:
ფოკუსირდით პოზიტივზე – ნეგატივის ხაფანგში მოხვედრა მარტივია. იფიქრეთ იმაზე რაც ცხოვრებას გიხალისებთ. ნებისმიერ ნეგატიურ მოვლენას მოუძებნეთ პოზიტიური ახსნა.
იპოვნეთ სტრესისგან მხსნელი – ყველა ადამიანს აქვს რაღაც მისწრაფება რაც სტრესულ სიტუაციაში ეხმარება. იქნება ეს გიტარის დაკვრა, მუსიკის მოსმენა თუ ფილმების ყურება. მიაგენით თქვენს მხსნელს და დაკავდით ამ საქმით.
აჩუქეთ დრო საკუთარ თავს – დამღლელი სამუშაოს მერე, ბუნებრივია, ყველა ადამიანი დასვენებას საჭიროებს. სულაც არ არის სირცხვილი განტვირთვა. მოიწყეთ გამოსასვლელი დღე. გონებასაც ისევე სჭირდება დასვენება, როგორც სხეულს.
აიღეთ პასუხისმგებლობა თქვენს ქმედებებზე – რთულ სიტუაციაში მარტივია სხვისკენ გაიშვირო ხელი და დაადანაშაულო. სიძლიერე იმაშია აღიაროთ შეცდომები და იპოვნოთ გამოსავალი.
იყავით გამგები – როდესაც ადამიანს რაიმეს ისე უკეთებთ, რომ სამაგიეროს არ ელოდებით ეს საუკეთესო დახმარებაა. მოუსმინეთ ადამიანებს ისე, რომ არ განსაჯოთ, იყავით მაქსიმალურად მეგობრული და გამგები.
გადაახალისეთ ურთიერთობები – გაერკვიეთ როგორი ადამიანები გყავთ ირგვლივ. ვის უხარია თქვენი წარმატება, ვინ ჭორაობს თქვენზე, ვინ გიშლით ხელს. მაქსიმალურად ეცადეთ ჩამოიშოროთ ადამიანები, რომლებსაც თქვენზე ცუდი გავლენა აქვთ.
იცხოვრეთ საკუთარი ცხოვრებით – თქვენზე უკეთ არავინ იცის როგორ გსურთ ცხოვრება. ნუ მისცემთ უფლებას სხვა ადამიანებს გიკარნახონ როგორ იცხოვროთ.
