ანგარიში მსოფლიო მმართველებს. 2020 წელი:
…
— ჩემო გენერალო, ჩვენ ვეღარ ვმართავთ სიტუაციას!!
— რა მოხდა?
– ჩვენი მოქალაქეები იცვლებიან…
– რას ქვია იცვლებიან?! ეს ხომ შეუძლებელია!!
– მაგრამ, ეს რეალურად ხდება! მათ ღიმილი დაიწყეს!
– იქნებ, ისინი უბრალოდ ჭკუიდან შეიშალნენ… გამოუვალი სიტუაციებისგან?!
– არანაირად! ისინი უბრალოდ ბედნიერები ხდებიან!
— კი მაგრამ, მათ ხომ აქვთ მასმედია?! იქ ხომ მუდმივად ნეგატივი ტრიალებს?
– დიახ! მეტი ნეგატივი შეუძლებელია…
– და ამბობ, რომ ადამიანებს მაინც კარგი განწყობა აქვთ?
— თან უფრო უუმჯობესდებათ!
— და ომი?
– მასზეც ველაპარაკებით, როგორც შეგვიძლია.
— და ფასები?
— მუდმივად ვუწევთ ყველაფერზე.
— და ხელფასი?
-მინიმალურია.
— და მერე? ხალხი იღიმებაო, მეუბნები?
— დიახ, რაც არ უნდა გასაკვირი იყოს.
— წარმოუდგენელია!!
— ღიმილი იქით იყოს, ისინი იწყებენ რაღაცის კეთებას!
— რის კეთებას?!
…
უხერხული პაუზა ჩამოვარდა. მომხსენებელმა ფეხი ფეხზე გაადაიდო …. და გაცოფებულმა ამოთქვა:
— ისინი ერთმანეთს ეხმარებიან.
— რა?? რა გინდა მითხრა, რომ – მათ ერთმანეთი აღარ ეზიზღებათ? აღარც შურთ?
— დიახ, მათ შეწყვიტეს ერთმანეთის შური…
— და თქვენ გამოუშვით უკვე ახალი ტექნიკა, მობილურები ბაზარზე?!
– დიახ, მაგრამ მათ აღარავინ ყიდულობს…. ადამიანებმა შეწყვიტეს კრედიტების აღება!!
…
ისევ უხერხული პაუზა. სიტუაცია რეალურად კრიტიკულ ელფერს იძენს.
— იქნებ ხელფასი შევუმციროთ?
— ადრე შველოდა…
– ან ყველანი ომში გავუშვათ….
— ეგეც ვარიანტია.
— მაშინ ყველამ დაწეროს მოხსენებები. თითოეულ ნაბიჯზე!!!
— ისინი წერენ…და წერენ, რომ ბედნიერები არიან….
— რა ჯანდაბა ხდება საერთოდ?!
….
მოვიდა მეორე მომხსენებელი.
– სერ, ჩვენ ადამიანებს ვკარგავთ! ისინი ღიმილს იწყებენ ჩვენს თვალწინ! უფრო მეტიც – მათი კარგი განწყობა სხვებსაც ედება და დამანგრევლად მოქმედებს სახელმწიფოს მდგომარეობაზე, ზოგადად.
— როგორია შედეგები?!
— იზრდება შრომიუნარიანობა. ადამიანები საკუთარ თავში ფარულ შესაძლებლობებს პოულობენ.
– მაგალითად?
— დამოუკიდებლობას.
– რა???
— ისინი აღარ ამყარებენ იმედებს სახელმწიფოზე.
— რაა??? რა გინდა მითხრა — რომ აღარ ადანაშაულებენ ყველაფერში მთავრობას?
— ისინი ამაზე საერთოდ აღარ ფიქრობენ.
— კარგი, კიდევ რა ხდება?! არაფერი დამიმალო!
— ჩვენს რაიონში შეიმჩნევა გაცნობიერების ნიშნები! ადამიანებმა დაიწყეს გაერთიანება და რაღაც ახლის შექმნა. — ისევ სიახლე!!!- შეკრული მუშტი მთელი ძალით ეცემა მაგიდაზე.
— და ნაცრისფერი სიძველე სადღაა?! სადაა ჩვეული რითმი?! ის ხომ ასეთი მშვენიერია?!
— ჩვეული რითმი აღარ სარგებლოს პოპულარობით.
…
შემოდის მესამე მომხსენებელი
— პრობლემები გვაქვს, სერ.
— რა ხდება? ძაღლებმა დაიწყეს ლაპარაკი?
— თითქმის. ადამიანები ცხოვრების ჯანსაღ წესს მისდევენ.
— ოო-ო-ო..
— ასევე ყურადღებას აქცევენ კვებას და ჯანსაღ საკვებს.
— დავიჯერო კიდევ დარჩა ნატურალური საკვები? მე ხომ გთხოვეთ, ამაზე განსაკუთრებულად გეზრუნათ?
— ყველაფერს ვერ ვაკონტროლებთ, სერ.
-კიდევ რა ხდება?
— ბავშვები ჩვენს სკოლებში აღარ დადიან.
– ოო-ო-ო… და ვინ ასწავლით ახლა მათ?!
— თვითონ სწავლობენ. რატომღაც თავები – შემოქმედები ჰგონიათ…
სიჩუმე ჩამოწვა. შემოვიდა მდივანი და სალათი შემოიტანა. როდესაც ის გავიდა, წინამძღვარს დაუბრუნდა საუბრის უნარი:
— საჭიროა გავზარდოთ სიგარეტის წარმოება.
— მაგრამ მას აღარავინ ეწევა.
— რატომ?
— ასე ვთქვათ- მოდაში აღარ არის.
– ეგ როგორ
— ყველა შემოქმედებითაა დაკავებული.
— სიგარეტს არ ეწევიან, შემოქმედებას მიჰყვეს ხელი…. ალკოჰოლი??
— აღარ სვამენ. წყალი ურჩევნიათ.
— ეგ როგორ?!
კბილებში კომბოსტომ გაიხრაშუნა. წინამძღვარი ნელა ღეჭავდა სალათს. .
— და როგორ უნდა ვმართოთ ახლა ისინი?
— ეს შეუძლებელია, ჩემო ბატონო… აღარც სიძულვილია, აღარც შური…. მათ უკვე ჩვენც კი აღარ ვეზიზღებით!! ასეთ სიტუაციაში ჩვენ არაფერი შეგვიძლია! …
ავტორი დენის საფრონი
წყარო: ასტრო-ფსიქოლოგია
