მოტივაცია არის ადამიანის მამოძრავებელი, სიცოცხლის მთავარი ძალა და ენერგია. ზოგადად ადვილად შესამჩნევია განსხვავება იმ ადამიანებს შორის ვისაც ეს აქვს და ვისაც არ აქვს. მოტივაცია ყოველთვის გიბიძგებს და გაძლიერებს აისრულო ყველა სურვილი, გახდე წარმატებული და დამარცხებების მიუხედავად ენთუზიაზმის დაკარგვის გარეშე განაგრძო გზა.
ამიტომაც მოტივაცია როგორც ადამიანის მთავარი მამოძრავებელი ძალა, წარმატების გზაზე ყველას სჭირდება.
მაგრამ რა ხდება როცა იმედგაცრუებები უფრო მეტია და მოტივაცია სადღაც ქრება? ადამიანების უმრავლესობა თავს ანებებს მცდელობებს და ფიქრობს, რომ აღარაფრის შეცვლა აღარ შეიძლება. სრული უმოქმდობის და მარცხის შეგუების ერთ-ერთ მიზეზი კი სწორედ მოტივაციის არარსებობაა.
ნუ შეუერთდებით ფარ-ხმალ დაყრილ ადამიანთა რიცხვს. გაითვალისწინეთ ქვემოთ მოცემული რჩევები, აღმოაჩინეთ საკმარისი მიზეზი რატომ არ უნდა დაკარგოთ მოტივაცია და დაიბრუნეთ ენერგია ცხოვრების გასაგრძელებლად.
***
‘’თუ აღმოაჩენ ყველაზე მთავარს შენს ცხოვრებაში, დაისახავ მიზანს, იქნები შეუპოვარი და მოქნილი საბოლოო ჯამში შენ მიაღწევ საწადელს. შენ უნდა დაემშვიდობო იმ ემოციებს, რომლებიც ხელს გიშლიან პოზიტიური შედეგების მიღწევაში. დაუყონებლივ უნდა ფოკუსირდე იმ ქმედებებზე, რომელთან განხორციელებაც შეგიძლია დღეს. რაოდენ უმნიშვნელოდაც არ უნდა გეჩვენებოდეს ეს ქმედებები, უნდა იქონიო დისციპლინა და შეუპოვრობა, რომ ბოლომდე მიჰყვე მათ და მიხვიდე ფინიშამდე. ‘’ ტონი რობინსი
***
‘’ადამიანები გაცილებით უფრო ხშირად ნებდებიან, ვიდრე განიცდიან მარცხს.’’ ჰენრი ფორდი
***
‘’ცხოვრებაში იმდენჯერ დავმარცხდი რომ წარმატების გარდა სხვა გზა აღარ მქონდა დარჩენილი, მე უბრალოდ ამოვწურე მარცხის მარაგი. ‘’ თომას ედისონი
***
“გააკეთე ერთი რამ, რასაც გგონია, რომ ვერ შეძლებ. დამარცხდი? თავიდან სცადე და სცადე უკეთ. არასოდეს ეცემა, ის, ვინც სიმაღლეების დაპყრობას არც ცდილობს.” ოპრა უინფრი
***
”წარმატება – ესაა შესაძლებლობა, მარცხს მარცხზე განიცდიდე, მაგრამ შეინარჩუნო ენთუზიაზმი.’’ უინსტონ ჩერჩილი
***
”როდესაც მიჭირს, ყოველთვის ვიხსენებ საკუთარ თავს,რომ თუ დავნებდები, უკეთესად ვერასდროს ვიქნები.” უეინ გრეცკი
ყოველთვის ეძებეთ ახალი გზები, გააკეთეთ ახალი აღმოჩენები, რაც საბოლოოდ სასურველი მიზნის მიღწევაში დაგეხმარებათ. იპოვეთ მკაფიო პასუხი კითხვაზე ‘’რატომ, რატომ ვაკეთებ იმას რასაც ვაკეთებ?’’ განსაზღვრეთ თქვენი მიზნების მიღწევის მთავარი ღირებულება და ნებისმიერი მდგომარეობის მიუხედავად მოტივირებულმა განაგრძეთ მოქმედება.
და ბოლოს, გახსოვდეთ რომ ადამიანები არ იბადებიან მოტივაციით. ეს არის უნარი, რომლის გამომუშავება ნებისმიერ ადამიანს შეუძლია და რაც უფრო ადრე მიიღებთ ამ გადაწყვეტილებას, მით უფრო მალე შეცვლით თქვენს ცხოვრებას უკეთესობისკენ.
გისურვებთ წარმატებებს
მარიამ შარიქაძე
