648
„ სიყვარულის ერთ-ერთი უჩვეულო თვისებაა: ბრმა – პოულობ; თვალახელილი – კარგავ“.
სულა სულაშვილი: საშინელებაა, როდესაც სიყვარული გაბრმავებს და დარწმუნებული ხარ, რომ გიყვარს ადამიანი, მაგრამ გაცილებთ კიდევ უფრო დიდი საშინელებაა, როდესაც თვალები გეხილება და ადამიანის ნაცვლად ხედავ საქონელს, ვისთვისაც შეგეძლო, ოდესღაც საკუთარი სიცოცხლეც კი მიგეძღვნა.
და მაინც არ იცი, რომელი სჯობდა – სიბრმავე, თუ თვალის ახელა, რადგან ორივე შემთხვევაში ერთიც და მეორეც შენი ტკივილია და არა – მისი…
ამ დროს სიბრმავეც და მხედველობაც ერთნაირად გძულს, რადგან პირველმა შეგაყვარა და მეორემ დაგაკარგვინა.
ალბათ ესაც სიყვარულის ერთ-ერთი უჩვეულო თვისებაა: ბრმა – პოულობ; თვალახელილი – კარგავ.
