დიდი ხნის წინ, ბრძენთან მივიდა კაცი და ეუბნება, რომ ვერა და ვერ პოულობს ისეთ გოგოს, რომელიც სიცოცხლის ბოლომდე ეყვარებოდა და შექმნიდა მასთან ერთად იდეალურ ოჯახს.
როგორი ქალი გინდა ცოლად? – იკითხა ბრძენმა
კაცი ცოტა ხნით დაფიქრდა და შემდეგ უპასუხა:
– ვოცნებობ ისეთ ქალზე, რომელიც იქნება მოსიყვარულე, ბრძენი, პასუხისმგებლობის გრძნობით, მხიარული, თბილი, გამგები, მგრძნობიარე, ნაზი, უმშვენიერესი, უკეთილშობილესი, ძლიერი და დამოუკიდებელი – როგორ მოვიქცე?
ბრძენმა უყურა ცოტა ხანს და უთხრა:
– მე ვიცი აბსოლუტურად სანდო, მაგრამ ძალიან, ძალიან რთული ხერხი. მისი საშუალებით შენ შეხვდები სასურველ ქალს.
– და რაში მდგომარეობს? თუ გამიმხელ, მოგცემ ყველაფერს რაც გამაჩნია!
– მე არაფერი მინდა – უპასუხა ბრძენმა – მხოლოდ, მომეცი პირობა, რომ გამოიყენებ ჩემს რჩევას.
კაცმა მისცა პირობა და უთხრა, რომ გააკეთებდა ყველაფერს რასაც ბრძენი ეტყოდა.
– თუ შენ გინდა შეხვდე ქალს, რომელიც იქნება მოსიყვარულე, ბრძენი, პასუხისმგებლობის გრძნობით, მხიარული, თბილი, მგრძნობიარე, ნაზი, უმშვენიერესი, გამგები, გულკეთილი, ძლიერი და დამოუკიდებელი – მაშინ საწყის ეტაპზე, შენ თავად უნდა გახდე მსგავსი თვისებების მატარებელი. მხოლოდ, ასე იპოვი მას. როცა, ყველაფერს გააკეთებ და მაინც ვერ შეხვდები, მაშინ, ამას აღარ ექნება უკევე მნიშვნელობა.
წყარო: https://zrda.wordpress.com/
