„წითელქუდა“, „ზორო“, „ტყის დედოფალი“, „გეიშა“… 15 დეკემბერს მედიის წარმომადგენლები, ერთი დღით ზღაპრისა და ჰოლივუდური ფილმების გმირებად გადაიქცნენ.მოდის სახლს „მარიგოლდის“ ერთი კოსტიუმის მორგებით, შესაძლებელია რეალური სამყაროდან, არარელურში გადაინაცვლოთ. „ვარდების ბაღში“ გამართული ფოტოსესიის შემდეგ, პრესის, ტელევიზიისა და რადიოს წარმომადგენლებმა, რესტორან „თეთრ სახლში“ გადაინაცვლეს. „მედია კარნავალმა“, მართლაც რომ წინასაახალწლო განწყობა შექმნა ჟურნალისტებში.
მაკა ბურჯალიანი , ჟურნალისტი: „მარიგოლდმა“ ულამაზესი დღე გვაჩუქა. ყველანი განსხვავებულ ამპლუაში ვიყავით, პირადადმე– „კალდუნიას“ როლი მოვირგე. ერთი დღით ზღაპრულ სამყაროში გადავინაცვლეთ.“
მედიის წარმომადგენლები სხვადასხვა სახალისო კონკურში ეჯიბრებოდნენ ერთმანეთს. ყველა მათგანს „მარი გოლდისგან“ „მადლიერების სიგელი“ და სამახსოვრო პრიზები გადაეცათ. დასახელდნენ სხვადასხვა ნომინაციაში გამარჯვებული ჟურნალისტები. ინტერნეტ-ჟურნალმა “ჟოლომ” ნომინაცია- “ყველაზე კრეატიულები” მოიპოვა.
როგორც მოდის სახლ „მარიგოლდის“ დამფუძნებელმა და დირექტორმა თამარ ნადირაძემ განაცხადა, ამ საღამოთი კომპანიამ მადლიერება გამოხატა ჟურნალისტების მიმართ. მხიარულება შუაღამემდე გაგრძელდა.
იაკო ამირანაშვილი
