ყავა უამრავი ადამიანისთვის დილის მთავარი სასმელია, მიუხედავად ამისა მის უარყოფით თვისებებზე არაერთხელ ყოფილა საუბარი. ყველაზე მთავარი ისაა, რომ როგორც ამბობენ ის დამოკიდებულებას იწვევს და ნარკოტივით ხდება, თუმცა როგორც აღმოჩნდა ამ სასმელს მხოლოდ უარყოფითი თვისებები სულაც არ აქვს და ის საკმაოდ სასარგებლოა.
ჰარვარდის კვლევითი ცენტრის მეცნიერი ვასანტი მალიქი ამბობს, რომ ყავა არათუ საზიანო არაა, ის ხშირ შემთხვევაში ორგანიზმს გარკვეული დაავადებებისგან იცავს.
„იმ შემთხვევაში, თუ გამოვრიცხავთ შაქარს და კრემს, რომელსაც ხშირად იყენებენ ყავის მომზადებისას, სუფთა ყავა შესაძლოა დიეტის ნაწილად ჩავთვალოთ. ის ძალიან ბევრ სასარგებლო ვიტამინს შეიცავს. ყავა ხელს უშლის დიაბეტის განვითარებას, ასევე კარდიოვასკულარულ დაავადებებს.“
მალიქის თქმით, დღეში 5 ჭიქა ყავა სრულიად ნორმალურია.
