„დაბადების დღე არასოდეს დამთხვევია ჩემს სპექტაკლს! თანაც კარმენს … მიუხედავად ნოსტალგიისა, ბედნიერი ვარ, რომ ამ დღეს სცენაზე ვხვდები! მიყვარხართ, თქვენი ნინო”!
ეს სიტყვები იმ ქართველ მომღერალს ეკუთვნის, რომელსაც რამდენიმე დღის წინ სარდინიაში მაყურებელი ოვაციით შეხვდა. „კარმენის“ პრემიერამ დიდი წარმატებით ჩაიარა! როგორც უცხოეთში შეარქვეს – „ბოშათა ულამაზეს ქართველ დედოფალს“ მაყურებელთა ოვაცია და პრესის ყურადღება არ დაჰკლებია.
დღესაც იქნება ოვაცია, ტაში და სცენაზე ყვავილები… მანამდე კი ნინო სურგულაძე ულამაზეს თაიგულებს, თბილ მილოცვებს და საუკეთესო სურვილებს „ფეისბუქის“ საკუთარ გვერდზე იღებს.
ირაკლი ბარამიძე: დღეს ჩემი დაიკოს ჩემი ნინუცას (მეტიჩარას) დაბადების დღეა, მიუხედავად იმისა რომ, ბავშვობიდან ძალიან ვაბრაზებ, უზომოდ მიყვარს და მენატრება… მას უნდა იცნობდე რომ ჩაწვდე მის დიდსულოვნებას და მის ქართველობას.
უბედნიერესი ვარ მისი ყოველი წარმატებით და ბავშვობიდან ვგულშემატკივრობ ყოველ მის გამოსვლას საქართველოსა თუ საზღვარგარეთ. მისი დიდსულოვნების კიდევ ერთი დასტური არის ის საქველმოქმედო კამპანია რომელსაც ის ატარებს “ნატვრის ხის” სახელით და ეხმარება მძიმედ დაავადებულ ბავშვებს. ამაყი ვარ რომ ის არის ნამდვილი ელჩი ჩვენი ქვეყნის და სადაც კი მას უმღერია იქ საქართველოზე მხოლოდ დადებითი თქმულა ან დაწერილა.
P.S მინდა დაბადების დღე მოგილოცო და გისურვო წარმატებები იმ მძიმე გზაზე რომელზეც დგეხარ…. მიყვარხარ
