ქალების უმრავლესობა ბედნიერებას იმაში ხედავს, რომ მეორე ნახევარი გამუდმებით მათზე ზრუნავდეს და თუ ის ადამიანი ამის კეთებას შეწყვეტს, თავს უბედურად გრძნობენ.
ურთიერთობის დასაწყისში, როგორც წესი, ყველა მამაკაცი ცდილობს თავი უკეთ წარმოაჩინოს და რაც შეიძლება მეტი მზრუნველობა გამოიჩინოს საყვარელი ქალის მიმართ, უკეთებს ბევრ საჩუქარს, ანებივრებს სიურპრიზებით. თუ ერთ დღესაც მამაკაცი ამას აღარ გააკეთებს, ქალი თვლის, რომ უბედურია.
რატომ ცდილობთ საკუთარი ბედნიერება დაუკავშიროთ სხვას? თუ თქვენ შეწყვეტთ მოლოდინს, გაცილებით უკეთ შეძლებთ დაინახოთ თუნდაც ძალიან მცირედი, რაც გაგაბედნიერებთ. მამაკაცის მოვალეობა არაა მხოლოდ ის, რომ ქალი გააბედნიეროს, მას გაცილებით მეტი ვალდებულებები აქვს.
ამიტომ, გაცვალეთ ადგილები და ნუ დაელოდებით მამაკაცისგან სიურპრიზს, თავად გაახარეთ ის და ამით ორივენი ბედნიერები იქნებით.
