დღეს,კინოთეატრ “ამირანში” თბილისის საერთაშორისო კინოფესტივალის გახსნას, ცნობილი ამერიკელი რეჟისორი მაიკლ ჰოფმანი დაესწრება. მასტერკლასებს სპეციალურად მოწვეული უცხოელი კინოპროფესიონალები ჩაატარებენ.
ფესტივალი ლევან კოღუაშვილის ფილმით “შემთხვევითი პაემნები” გაიხსნება. ფესტივალი 7 დეკემბერს მაიკლ ჰოფმანის ფილმით “უკანასკნელი სადგური” დაიხურება. კონკურსში გამარჯვებულებს, ფესტივალის მთავარი პრიზი -ოქროს პრომეთე გადაეცემათ (საუკეთესო ფილმისთვის) და ვერცხლის პრომეთე (საუკეთესო რეჟისურისთვის).
დაწესებულია ფარაჯანოვის სახელობის პრიზი, რომელიც კინოესთეტიკისთვის შერჩეულ ფილმს გადაეცემა. საუკეთესო ქართველ რეჟისორს- თი-ბი-სი ბანკისა და საქართველოს ფრანგული ინსტიტუტის ჯილდო გადაეცემათ, რაც 2014 წელს კანის ფესტივალზე გამგზავრებას გულისხმობს.
ჩვენებები 2-7 დეკემრბის ჩათვლით კინოთეატრ რუსთაველსა და ამირანში გაიმართება.
