ბავშვს 7 წლამდე უარი არაფერზე უნდა უთხრათო – გვასწავლის აღმოსავლური სიბრძნე… თუ ამას პირდაპირ გავიგებთ, შეგვიძლია ვიგულისხმოთ, რომ ბავშვს ყველა სურვილი უნდა ავუსრულოთ, ყველაფერზე უნდა დავეთანხმოთ,
ანუ
ვაჭამოთ 2 კილოგრამი ნაყინი სადილის ნაცვლად, თუ არ უნდა არ გავუშვათ სკოლაში, ნება დავრთოთ ცხვირში თითი იკიტინოს და გაუზრდელად მოიქცეს…
ოდესღაც მეც ასე გავიგე ეს ნათქვამი და ვიფიქრე „გაგიჟებულან აღმოსავლეთში- თქო“ 😉
…სინამდვილეში კი, აქ არ არის ნახსენები „ყველაფრის ნების დართვა“…ისინი მხოლოდ „უარის არ თქმას“ უსვამენ ხაზს….
ანუ…
ნაცვლად იმისა რომ უთხრათ – „ნაყინი ამდენი არ შეიძლება“ – უთხარით -„აუცილებლად გიყიდი ოღონდ ხვალ“
„არ წახვალ, სანამ არ შეჭამ“ – „წახვალ , როგორც კი შეჭამ“,
„ასე აღარ მოიქცე“ – „აჯობებს ასე და ასე მოიქცე“.
„ნუ ყვირი“ – „ხმადაბლა ისაუბრე“
„ნუ იქცევი უზრდელურად“ – „მოიქეცი ზრდილობიანად“
და ა.შ.
თქვენ ვერც კი წარმოიდგენთ, რამხელა ეფექტის მოხდენა შეუძლია ამ მიდგომას…
თქვენც დაისვენებთ და თქვენი არაჩეულებრივი შვილებიც…
დაე მხოლოდ სიცილის და მხიარულების ხმა მოისმოდეს თქვენი სახლიდან 
ხათუნა მუზაშვილი, ფსიქოლოგი
